Huangning isteʼfosi Anthropic IPOʻsiga qanday taʼsir qilishi mumkin
Nvidia Anthropicʼga 10 mlrd dollar sarmoya kiritishni rejalashtirgandi, endi esa bu rejalar qayta koʻrib chiqilishi mumkin
Nvidia Anthropic aksiyalarini ommaviy joylashtirish kuni 10 mlrd dollar sarmoya kiritishni rejalashtirgandi. Huang ikki taxminiy nikohdan tashqari munosabat haqidagi xabarlar va ichki tekshiruv fonida ketganidan soʻng, kompaniyaga vaqtincha moliya direktori Kolet Kress rahbarlik qilmoqda.
Bloomberg Intelligence tahlilchisi Mandip Singxning fikricha, direktorlar kengashi sarmoyaning miqdori, muddati yoki maqsadga muvofiqligini qayta koʻrib chiqishi mumkin. Uning baholashicha, kechikish yoki summa qisqartirilishi IPOʻni qoʻllab-quvvatlashni susaytiradi, biroq Google va boshqa strategik hamkorlarning sarmoyalari moliyalashtirishga taʼsirni cheklashi mumkin.
PitchBook tahlilchisi Xarrison Rolfz kelishuv reja boʻyicha amalga oshishini kutmoqda. Shu bilan birga, Anthropicʼning hisoblash quvvatlaridan foydalanish boʻyicha yangi kelishuvlari sekinroq tuzilishi mumkin. IPO prospektida Nscale bilan 45 mlrd dollarlik, Lambda bilan esa 41 mlrd dollarlik kelishuvlar koʻrsatilgan — har ikki kompaniya Nvidia chiplaridan foydalanadi va moliyalashtirishda uning koʻmagiga bogʻliq.
Anthropic rahbari Dario Amodei Xitoyga chiplar eksportiga nisbatan qatʼiyroq cheklovlar joriy etilishini yoqlagan, Huang esa Nvidia yetkazib berishlarini hamda Anthropic yechimlari bilan raqobatlashadigan ochiq modellarni qoʻllab-quvvatlagan. Tahlilchilarning fikricha, Nvidiaʼning amaldagi majburiyatlari saqlanib qoladi, biroq ochiq modellarga kiritiladigan sarmoyalar sekinlashishi mumkin.
Anthropic chiplarni nafaqat Nvidia, balki Amazon Web Services, Google, Broadcom va AMD kompaniyalarining chiplaridan ham foydalanadi. Bloomberg Intelligence tahlilchisi Kunjun Sobxani qisqa va oʻrta muddatda Nvidia chiplarining xususiyatlari yoki ularni yetkazib berishning umumiy hajmi yomonlashishini kutmayapti. Nvidiaʼning Huang ishtirokisiz ilk hisoboti seshanba kuni eʼlon qilinishi rejalashtirilgan, Anthropic IPOʻsi esa undan keyingi kunlarda kutilmoqda.
