Shavkat Mirziyoyev va Jahon banki rahbari hamkorlik ustuvor yoʻnalishlarini muhokama qildi
Qoʻshma loyihalar portfeli qariyb 16 milliard dollarni tashkil etadi
11 noyabr kuni Antaliyada boʻlib oʻtayotgan COP31 sammiti doirasida Shavkat Mirziyoyev Jahon banki rahbari Ajay Banga bilan uchrashdi. Tomonlar Jahon banki guruhi bilan strategik hamkorlikni yanada kengaytirishning amaliy masalalarini koʻrib chiqdilar.
Xalqaro taraqqiyot assotsiatsiyasini moliyalashtirishni oʻrta muddatli koʻrib chiqish forumiga tayyorgarlikka alohida eʼtibor qaratildi. Forum dekabr oyida Toshkentda boʻlib oʻtadi.
Hamkorlikning ustuvor yoʻnalishlari sifatida iqtisodiy oʻsishni taʼminlash va ish oʻrinlari yaratish dasturini amalga oshirish, mamlakat bilan hamkorlikning yangi dasturini tayyorlash, infratuzilmaga xususiy investitsiyalarni jalb etish, xususiylashtirish hamda suv xavfsizligini taʼminlash belgilandi.
