Oʻzbekistonda NarxStat narxlar statistikasi xizmati ishga tushirildi

Idora narxlar va inflyatsiya haqidagi maʼlumotlarni eʼlon qilish uchun NarxStat platformasini ishga tushirdi. Unga narx.stat.uz manzili orqali kirish mumkin.

Platformada isteʼmol narxlari indeksi, hududlar va tumanlar boʻyicha oziq-ovqat mahsulotlari hamda yoqilgʻining haftalik oʻrtacha narxlari, shuningdek, uy-joy va sanoat mahsulotlari narxlari indekslarini koʻrish mumkin. Maʼlumotlarni CSV va JSON formatlarida yuklab olish mumkin, shuningdek, oldindan roʻyxatdan oʻtmasdan foydalanish mumkin boʻlgan API ham mavjud.