Tramp Tim Kukni Jensen Huangning ehtimoliy vorisi deb atadi

AQSh prezidenti Donald Tramp payshanba kuni Truth Social tarmogʻida Jensen Huangning oʻrnini faqat bir kishi egallashi mumkinligini — Tim Kuk ekanini yozdi. Tramp bu ehtimoliy oʻzgarishni «bir afsona oʻrniga boshqa afsona» deb atadi, biroq Kukni rasman nomzod qilib koʻrsatgani yoki tayinlash jarayoni boshlanganini maʼlum qilmadi.

Kuk 2026-yil 1-sentabrda kompaniyaga 15 yil rahbarlik qilganidan soʻng Apple bosh direktori lavozimini tark etdi. Uning oʻrnini Jon Ternus egalladi, Kuk esa direktorlar kengashining ijrochi raisi lavozimiga oʻtdi. U Apple faoliyatidagi ishtirokini, jumladan, turli mamlakatlar siyosatchilari bilan aloqalarni hamda kompaniyaning xalqaro munosabatlarini, shu qatorda Xitoy bilan aloqalarini boshqarishni saqlab qoldi.

Kukni ehtimoliy nomzodlar qatorida tilga olgan yagona shaxs Tramp boʻlmadi. Yel menejment maktabining yetakchilik masalalari boʻyicha katta dekan oʻrinbosari Jeffri Sonnenfeld chorshanba kuni Time jurnalida aynan shunday taklif bildirilgan mualliflik maqolasini eʼlon qildi. U Apple kompaniyasiga uning asoschisi Stiv Jobsdan keyin rahbarlik qilgan Kukning tajribasini taʼkidladi.