Xalqaro investitsiya banki Oʻzbekistondagi ishtirokini kengaytirishdan manfaatdor
Bu haqda Londonda Goldman Sachs rahbariyati bilan boʻlib oʻtgan uchrashuvda soʻz yuritildi
Oʻzbekistonning Londondagi diplomatik vakolatxonasida Goldman Sachs kompaniyasining mamlakat bozoridagi faoliyatini kengaytirish istiqbollari muhokama qilindi. Tomonlar bank vakillarini respublikaning yetakchi kompaniyalari va tijorat banklari rahbarlari bilan uchrashtirishga kelishib oldi.
Uchrashuvda Goldman Sachs kompaniyasining rivojlanayotgan bozorlarda savdo yoʻnalishi boʻyicha ijrochi direktori Grigoriy Goncharov ishtirok etdi. U bankning Oʻzbekiston Markaziy banki bilan koʻp yillik hamkorligini hamda bankning respublika bilan sheriklikni davom ettirishdan manfaatdor ekanini alohida taʼkidladi.
Boʻlajak aloqalardan kutilayotgan natija — hamkorlikning yangi yoʻnalishlarini izlash va tomonlarning amaliy faoliyatini yanada faollashtirish.
