Qozogʻistonda boylar uchun soliqlarni oshirish taklif qilinmoqda
Soliqlarni undirishni yaxshilash sunʼiy intellekt yordamida amalga oshirilishi koʻzda tutilmoqda
Qozogʻiston Prezidenti Qosim-Joʻmart Toqayev mamlakat xalqiga yoʻllagan murojaatida katta boylik egalari uchun oshirilgan soliq stavkalarini joriy etish masalasini muhokama qilishni taklif qildi.
«Menimcha, katta boylik egalari uchun oshirilgan stavkani joriy etish masalasini muhokama qilish vaqti keldi. Taʼkidlayman: hech kim qonuniy yoʻl bilan orttirilgan aktivlarni qandaydir tarzda cheklamoqchi emas. Bu Konstitutsiyaning oʻziga zid boʻlardi», — dedi Toqayev. — «Soliqlarni undirishni yaxshilash, yashirin iqtisodiyotni qisqartirish va korrupsiya xavflarini kamaytirish uchun ilgʻor texnologiyalardan, jumladan, sunʼiy intellektdan foydalanish kerak».
Toqayev aniq takliflarni ishlab chiqishni Hukumat va Qurultoyga (parlamentga) topshirdi.
