Oʻzbekiston banklari aktivlari 1,04 kvadrillion soʻmgacha oshdi

Oktyabr oyi boshida Oʻzbekiston banklari aktivlari 1,04 kvadrillion soʻmga yetdi. Markaziy bank statistikasi maʼlumotlariga koʻra, ular bir yil ichida 20,5 foizga oshgan.

1 oktyabr holatiga kredit portfeli 659,1 trln soʻmni tashkil etdi. Chet el valyutasidagi kreditlar hajmi oshgan boʻlsa-da, ularning portfeldagi ulushi kamaydi.

Depozitlar bir yil ichida 34,9 foizga oʻsdi. Banklarning jami kapitali 1 oktyabr holatiga 152,9 trln soʻmga yetdi.