Nokia aksiyalari yil oxirigacha $9,39 gacha qimmatlashishi mumkin — tahlilchi
TradingKey tahlilchisi Alan Long Nokia aksiyalari 31 dekabrgacha 29 oktabrdagi maksimumi — $9,39 gacha koʻtarilishi mumkinligini aytdi. Hozir aksiyalar narxi taxminan $8,41 ni tashkil etmoqda.
Long bahosiga koʻra, asosiy toʻsiq $8,40 darajasida. Agar aksiyalar bu darajadan yuqoriga chiqsa, avval $9,39 gacha, keyin esa $9,65 gacha koʻtarilishi mumkin. Qoʻllab-quvvatlash darajasi $7,90–8,00 oraligʻida.
Oʻsishni uchta omil qoʻllab-quvvatlamoqda. Birinchidan, sunʼiy intellektga boʻlgan talab: uchinchi chorakda Nokiaʼning sunʼiy intellekt va bulutli texnologiyalar yoʻnalishidagi daromadi 123 foizga, buyurtmalar hajmi esa 118 foizga oshib, €1,5 mlrd ga yetdi. Toʻrtinchi chorakda kompaniya savdolar oldingi chorakka nisbatan 20–24 foizga oʻsishini kutmoqda. Ikkinchidan, Moodyʼs Nokia reytingini investitsiya darajasidagi Baa3 pogʻonasigacha oshirdi, kompaniyaning sof pul mablagʻlari esa €2,6 mlrd ni tashkil etmoqda. Uchinchidan, sunʼiy intellekt aksiyalari bozori barqarorlasha boshlamoqda.
Asosiy xavf oʻzgaruvchanlik bilan bogʻliq: bir oy ichida aksiyalar 14,6 foizga arzonlashdi. Agar narx $7,90 dan pastda yopilsa, prognoz amalga oshmaydi va aksiyalar $7 gacha tushishi mumkin.
