AXT Inc. (AXTI) aksiyalarining 19,5 foizga oʻsishiga nima sabab boʻldi?
Kompaniya daromadi 163 foizga oshib, $73,4 mlnni tashkil etdi
Yarimoʻtkazgichlar uchun substratlar ishlab chiqaruvchi AXT Inc. aksiyalari investorlar orasidagi umumiy optimizm va sunʼiy intellekt bilan bogʻliq kompaniyalar aksiyalariga boʻlgan talab fonida 19,49 foizga qimmatlashdi.
CoreWeave kompaniyasining natijalari ham bozorni qoʻshimcha qoʻllab-quvvatladi. Maʼlumotlar markazlari operatori daromadi 168 foizga oshib, $3,66 mlrdni tashkil etganini maʼlum qildi. Bir yil avval bu koʻrsatkich $1,36 mlrd edi. Bu sunʼiy intellekt infratuzilmasiga talab saqlanib qolayotganini koʻrsatdi va AXTning oʻsish istiqbollarini qoʻllab-quvvatladi.
AXT, shuningdek, uchinchi chorak yakunlari haqida hisobot berdi. Kompaniya daromadi 163 foizga oshib, $73,4 mlnni tashkil etdi. Bunga mijozlarning indiy fosfidiga nihoyatda yuqori talabi turtki boʻldi. AXT $25,7 mln sof foyda oldi, bir yil avval esa kompaniyaning sof zarari $1,9 mlnni tashkil etgan edi.
