Oʻzbekistonlik Alif Moliya Astana International Exchange birjasida sukuk chiqardi
AIX Markaziy Osiyo emitentlarining kapital jalb qilish imkoniyatlarini kengaytirmoqda
Astana International Exchange (AIX) birjasi hajmi 10 mln AQSh dollarini tashkil etgan sukuklarni rasman savdo roʻyxatiga kiritdi. Emitent sifatida Alif Moliya Sukuk SPC Limited tuzilmasi ishtirok etdi.
Amalga oshirilgan bitim AIXning mintaqada islomiy moliyaviy mahsulotlar bozorini kengaytirish hamda Markaziy Osiyo mamlakatlari kompaniyalari uchun kapital jalb qilishning samarali mexanizmlarini yaratishga qaratilgan strategik maqsadlariga mos keladi.
AIX boshqaruvi raisi Asel Mukazhanova ushbu joylashtirishning mintaqaviy moliya maydonlarini integratsiyalashdagi ahamiyatini taʼkidlaydi:
«Alif Moliya tomonidan AIX maydonida sukuk joylashtirilishi mintaqadagi kapital bozorlari va islomiy moliya sektorining rivojlanishiga sezilarli turtki beradi. Ushbu muvaffaqiyatli bitim transchegaraviy hamkorlik salohiyatini yaqqol namoyon etadi hamda emitentlar uchun birja infratuzilmamiz orqali investitsiyalar jalb qilishda yangi imkoniyatlar ochadi. Moliyalashtirish manbalarini diversifikatsiya qilish va mintaqaviy moliya bozorini mustahkamlashga xizmat qiladigan tashabbuslarni qoʻllab-quvvatlashda davom etamiz».
