Morgan Stanley Xitoy kompaniyalari aksiyalari yanada pasayishini prognoz qildi
Tahlilchilarning baholashicha, ofshor qimmatli qogʻozlar 10–15 foizga arzonlashishi mumkin
Xitoy bozori allaqachon pasayish bosqichiga kirdi: u iyun oyidagi choʻqqisidan beri 20 foizdan koʻproqqa tushdi. Morgan Stanley tahlilchilari kotirovkalarga bosimni iqtisodiy oʻsishning sekinlashuvi va isteʼmol talabining zaifligi bilan bogʻlamoqda.
Ularning prognoziga koʻra, materik kompaniyalari aksiyalarining bahosi kutilayotgan yillik foydaning taxminan 10–11 baravarigacha pasayishi mumkin. Aksiyalarni sotish 10 haftadan koʻproq vaqt davom etmoqda; omillar qatorida trastlarga solinadigan soliq, elektron tijoratga bosim, makroiqtisodiy vaziyatning yomonlashuvi va jahon bozorlaridagi oʻzgaruvchanlik ham qayd etilgan.
Shunga qaramay, tahlilchilar Xitoy materigidagi aksiyalarni afzal koʻrishda davom etmoqda. Ularning fikricha, bozorni davlat investitsiya fondlari guruhi qoʻllab-quvvatlamoqda, mahalliy emitentlar orasida esa tushum va foydasi tez oʻsayotgan koʻplab kompaniyalar, jumladan, sunʼiy intellekt ishlab chiquvchilari va ilgʻor texnologiyalar korxonalari bor.
