Oʻzbekistonda ulushli qurilishda eskrou hisobvaraqlari toʻgʻrisidagi qonun loyihasi koʻrib chiqilmoqda

Qonun loyihasida xaridorlar mablagʻlarini maxsus bank hisobvaraqlariga joylashtirish nazarda tutilgan. Quruvchi kompaniyalar bu mablagʻlarni faqat belgilangan shartlar bajarilganidan keyin olishi mumkin, deya xabar berdi Urbanizatsiya va uy-joy bozori barqaror rivojlanishi milliy qoʻmitasi.

Mexanizm mualliflari rejasiga koʻra, eskrou hisobvaraqlari qurilishni toʻxtatib qoʻymaslikka ham yordam beradi: loyiha bilan bogʻliq jiddiy muammolar yuzaga kelgan taqdirda, boshqa quruvchini jalb qilish mumkin boʻladi. Qoʻmita xaridorlar mablagʻlarini himoya qilish, quruvchilarning majburiyatlarini bajarishi va bozor ishtirokchilari uchun teng shart-sharoitlar yaratishni ustuvor vazifalar deb atadi.