Yevropa taraqqiyot banki Oʻzbekistondagi biznesni qoʻllab-quvvatlash uchun $25 mln gacha yoʻnaltiradi
Mablagʻlarni 35 yoshdan katta boʻlmagan tadbirkorlar egalik qiladigan firmalar olishi mumkin
Yevropa tiklanish va taraqqiyot banki (YTTB) Markaziy Osiyoda yoshlar tadbirkorligini qoʻllab-quvvatlash dasturi doirasida Oʻzbekistondagi Davr Bankka $25 mln gacha kredit liniyasini ajratmoqda.
Mablagʻlar 35 yoshdan kichik tadbirkorlar egalik qiladigan yoki ular boshqaradigan mikro, kichik va oʻrta biznesni imtiyozli moliyalashtirishga moʻljallangan. Kredit AQSh dollarida yoki oʻzbek soʻmiga bogʻlangan sintetik moliyalashtirish shaklida beriladi.
Mablagʻlarning kamida 30 foizi ayollar boshchiligidagi korxonalar uchun zaxiraga ajratilgan. Loyiha, shuningdek, Toshkentdan tashqarida va qishloq joylarda kapitaldan foydalanish imkoniyatlarini kengaytirishga qaratilgan.
Oʻzbekistonda 30 yoshgacha boʻlgan fuqarolar aholining 26 foizidan koʻprogʻini tashkil etadi, ularning tadbirkorlik faolligini rivojlantirish esa regulyatorlarning asosiy ustuvor yoʻnalishlaridan biridir. Umuman, YTTBning Oʻzbekiston iqtisodiyotiga kiritgan investitsiyalari portfeli 219 ta loyiha doirasida qariyb $7,3 mlrdga yetdi.
