Samsung kompaniyasining III chorakdagi operatsion foydasi AI chiplari talabi tufayli 783 foizga oshdi
Texnologiya giganti raqamli infratuzilmaga 1 mlrd dollar investitsiya kiritmoqchi
Samsung Electronics kompaniyasining operatsion foydasi 107,44 trln vonni tashkil etib, oʻtgan yilning uchinchi choragiga nisbatan 783,11 foizga oshdi.
Uchinchi chorakda Samsung Electronics va uning besh nafar affillangan kompaniyasi KKR qoʻllab-quvvatlayotgan Helix Digital Infrastructure kompaniyasiga birgalikda 1 mlrd dollar investitsiya kiritish rejalarini eʼlon qildi. Ushbu mablagʻning 500 mln dollarini Samsung Electronics kiritadi, qolgan summani esa affillangan kompaniyalar sarmoya qiladi.
Kompaniya, shuningdek, yarimoʻtkazgichlar ishlab chiqarishda, jumladan, chiplarni loyihalash va ishlab chiqarishda texnologiyalardan foydalanish uchun Fransiyaning AI sohasidagi ishlab chiquvchisi Mistral AI bilan hamkorlik qilishini maʼlum qildi. Samsung Mistral AIʼning D seriyasidagi moliyalashtirish raundiga boshchilik qildi.
